Leyhalar
İçtimaiy leyhalar

İçtimaiy leyhalar – Yardım ve hayriye komiteti çerçivesinde teşebbüsi ve ömürge keçirilüvi CIBA ortaqlarına ait olğan cemiyet içün ğayet mühim hayır leyhalarıdır.

Hayriye leyhalarında iştirak etmege istegenler işdeşlikke davet etileler.

1. Bağçasarayda ORTA CUMA CAMİniň ğayrıdan tiklenüvi.

Leyhanıň izaatı: Hanlıq devri (1674 senesi qurulğandır) esas camilerinden biri olmaqnen beraber cuma namazınıň kılınması içün merkeziy cami sıfatında qullanılğan ORTA CUMA CAMİniň ğayrıdan tiklenüvi.

Leyhada iştirak etmege ya da onıň haqqında daha tafsilâtlı malümat almağa istegenler leyhanıň yolbaşçısı Fevzi Hamzanen aşağıdaki telefon nomeri ve e-mail vastasınen bağlana bileler.
(063 2393767, Fevzi.Hamza@gmail.com).

2. Aqmescitte (Simferopol) MERKEZİY CAMİniň qurulması.

Leyha izaatı: Aqmescitte (Simferopol) MERKEZİY CAMİniň qurulışı.

CIBA leyhağa qol tuta ve öz ortaqlarını bu yönelişte faal iştirakke davet ete.

3. Eski Qırımda (Starıy Krım) yerleşken SULTAN BEYBARS CAMİSİniň ğayrıdan tiklenüvi.

Leyha izaatı: Eski Qırım şeherinde (Starıy Krım) yerleşken SULTAN BEYBARS CAMİSİniň ğayrıdan tiklenüvi.

Tarihiy malümat. Sultan Beybars Camisi 1287-1288 seneleri Solhatta Zahir Seyf-ad-din as-Salih Beybarsnıň paralarına qurulğan  Qırımnıň eň qadimiy camilerinden biridir. Zahir Seyf-ad-din as-Salih Beybars (1260-1277 seneleri hükümdarlıq yapqan)Mısırda 300 yılğa yaqın hakimlikte bulunğan meşhur Memlük sülâlesinden ekinci ve dört eň namlı sultanlarından biri olğandır.