Başqa haberler
Info Center
  Dubayda CIBA temsilciligi işke başladı

ef3f39341c87ed6bda47b2eca1d08af3_500_0_0

Qırım Halqara İş Adamları Birliginiñ İdaresi, Birleşken Arap Emirliklerine iş ziyareti çerçivesinde, Abu-Dabi, Dubay, Şarca şeerlerini ziyaret etti ve qırımtatar halqınıñ diaspora vekilleri ve yerli iş adamlarınen körüşti.
CIBA reberligi ziyaret neticesinde Dubay emirliginde Birlikniñ ofisini açmağa qarar aldı. 
Malüm ki, Dubay bütün dünya içün biznesniñ eñ ileri merkezlerinden biridir. Şeer imkânları dünyanıñ eñ meşur şirketleriniñ çoqusına (Fortune Global 500) anda yerli temsilciliklerini açmağa yardım etti. 
İşbu teşebbüs iqtisadiyat ve biznes saasında dinamik inkişaf ve emekdaşlıq içün müsbet bir şaraitlerni meydanğa ketirüv, em de BAE iş adamlarınıñ muvafaqiyetli tecribesini qazanuv ve iş munasebetleriniñ ilerilevi, yatırımlarnı celp etüv ve leyhalarnı beraber ömürge keçirüvde yardımcı olacaqtır. 
"Dubayda ofis açılması Qırım iş adamları ve CIBA  şirket ortaqlarına bir sıra imkânlar berecek ve halqara biznesnen oğraşmağa yardım etecek", - dep qayd etti CIBA İdaresiniñ Yolbaşçısı Aslan OMER QIRIMLI.
QHİAB matbuat hızmeti
Artqa