Başqa haberler
Info Center
  QHİABden iş leyhalarını ömürge keçirüvniñ yañı usulları

IMG_8333

Fevral 15-16 künleri Qırım Halqara İş Adamları Birligi Qırım iş adamları içün iş planlaştıruv treningini teşkil etti. 

Tedbirniñ maqsadı işnen idare etüv ve onı teşkil etüvge sistematik yanaşuvnıñ şekillendirüvi vastasınen biznesniñ reqabet derecesini arttırmaqtır. İşbu trening tam bir ameliy maqsadqa malik olğan ve biznes semereligini arttımaq içün keçirilgen. Tedbirde iqtisadiy modellev usulları, ögretici ve eglence oyunları keniş bir sürette qullanıldı.

IMG_8341

Trening neticesinde iştirakçiler bilgen şeylerni pekittiler, em de iş planlaştıruvı boyunca yañı ameliy bilgilerni menimsediler. Qayd etmeli ki, iş adamlarınıñ çoqusı trening vastasınen tasil aluvnen ilk sefer tanış oldılar. Olar treningniñ malümat ve tasil derecesine yüksek qıymet kestiler. "İş treningleri - çoqusı allarda taze, yañı malümat, meraqlı munaqaşalar, bir sıra fikirlernen paylaşuv, yañı bilgi ve alâqalar. QHİAB tarafından teşkil etilgen iş planlaştıruv treningi de aynı böyle oldı. Neticesinen memnün oldım", - dep teessuratlarınen paylaştı iştirakçilerinden biri, iş adamı, OOO "Temelli" müdiri Üsein Egizov.

IMG_8340

Bu bilgi iş adamlarğa masraflar strukturasını eyileştirüv, satuv miqdarını tahmin etüv ve kâr arttırılmasında yardımcı olacaq. 

Treningni tecribeli iş ocası ve kouçer Vasfiye Mamutova alıp bardı. Eki künlik programma yekünlengen soñ iştirakçiler mahsus sertifikatlarnı elde ettiler.

IMG_8322

 

QHİAB Inform

Artqa