Başqa haberler
Info Center
  CIBA umumiy toplaşuvı sentâbr ayında teşkilât faaliyetine deñişmeler kirsetecek

2013 senesi iyül 25 kunü Qırım Halqara İş Adamları Birligi İdaresiniñ toplaşuvı otkerildi.

Muşavere devamında belli halqara muşavirlik şirketi tarafından keçirilgen kommunikatsion teşkerüv neticeleri, em de teşkilâtnıñ ilerilevi muzakere etildi.

Kommunikatsion teşkerüv neticesinde belli oldı ki, Qırım Halqara İş Adamları Birligi kendi inkişafınıñ birinci basamağını — meydanğa kelüvini - muvafaqiyetnen keçti. Boyle etip, teşkilât deñişmeli ve yañı keyfiyetli basamaqqa keçmeli.

Tevsiyelerni koz ogüne alıp, İdare azaları Qırım Halqara İş Adamları Birligi tizilişiniñ deñişüvini muzakere ettiler. Bunıñnen beraber, İdare azaları yañı teşkilât qurulışınıñ leyhasını qabul etip, onı Umumiy Toplaşuvda taqdim etecekler.

Deñişüvler strategik vesiqalarnıñ azırlanması, bir sıra tedbirlerniñ keçirilmesi ve teşkilât reberleri ve iş ortaqları ile korüşüvlerni talap etkeninden sebep, İdare tarafından İdare Yolbaşçısı Mesleatçısınıñ tayin etüvi aqqında qarar alındı. İdare teşkilât Reisine Mesleatçı namzetini belgilemege buyurdı.

Bundan da ğayrı, CIBA reberligi birlikniñ deñişüv esnasını belgileycek taqvim planını tasdıqladı.

Deñişmeler neticeleri bu yıl sentâbr ayında otkerilecek Umumiy Toplaşuvda taqdim etilecek.

Planlaştırılğan islâatlar neticesinde, Qırım Halqara İş Adamları Birligi, iş adamları, akimiyet ve cemiyet arasında dialog qurulması içün yahşı şaraitler doğurıp, iş ortaqları aqlarınıñ temini içün bir platforma olmaq ve olarnıñ menfaatlarını devlet ve diger organlarda, halqara teşkilâtlarda temsil etmek kerek.

СIBA Inform 

Artqa