Başqa haberler
Info Center
  Umerovlar qorantası "Orta Caminiñ" ğayrıdan tiklev leyhasını yekünledi

 

Jm6U33X5K1c

2013 senesi avgust 16 kunü Bağçasarayda şeerniñ mimarcılıq incisi - "Orta Caminiñ" - tantanalı açılış tedbiri ötkerildi.

Malüm ki, Haci Enver ağa Umerov ve onıñ qorantası mimarcılıq yadikârlığını ğayrıdan tamir etmek teşebbüs kösterdiler. İşbu teşebbüs Qırımnıñ medeniy ve tarihiy mirasını ğayrıdan tiklev milliy leyhası çerçivesinde omürge keçirildi.

W94DEQCJsy8

eba8mx4czrY

90qMTpS9CCM

Resmiy açılış tedbirinde Qırımtatar Milliy Meclis Yolbaşçısı Mustafa Cemilev, Qırım musulmanlarınıñ Müftisi Haci Emirali Ablayev, Meclis Reisiniñ birinci muavini, Bütündünya qırımtatarlar kongressiniñ Prezidenti Refat Çubarov, Umerovlar qorantasınıñ başı Enver ağa ve büyük oğlu, Qırım Halqara İş Adamları Birligi idaresiniñ yolbaşçısı Aslan Ömer Qırımlı, Bağçasaray ş. Yolbaşçısı Konstantin Rubanenko, Kiyevden kelgen musafir — Kiyev iqtisadiyat mektebiniñ Prezidenti Pavlo Şeremeta, qırımtatar milliy areket veteranları, qırımtatar cemaat teşkilâtlarınıñ vekilleri, Bağçasaray yerli sakinleri, em de Turkiye, Romaniya ve Ukrainanıñ bir sıra şeerlerden kelgen musafirler iştirak ettiler.

nEQB7PHW7R8

nPbd1FCoXiQ

NZotHKADcFo

smjpLzWMwTA

Aslan Ömer Qırımlı çıqışta bulunır eken, şunı qayd etti ki, Allahnıñ sıñırsız rahmeti ile, Cenab-ı Haqnıñ rizası içün Cami tamir ettirildi. Onıñ aytqanına kore, bu işte Umerovlar qorantasınıñ esas maqsadı - Qırımnıñ tamır halqı — qırımtatarlarnıñ — maneviy mirasını ğayrıdan tiklemektir.

SR8luKXaIPY

Umerovlar qorantasınıñ başı Haci Enver Ağa ise şeer hızmetleriniñ temsilcilerine, şu cümleden Bağçasaray ş. yolbaşçısı Konstantin Rubanenkoğa, "Orta Camini" tamir etkende peyda olğan teşkiliy meselelerni tez-tez al etmege yardım etkenleri içün minnetdarlıq bildirdi.

Tedbirniñ soñunda tamir etilgen Camide birinci Cuma namazı qılındı.

0QkJAKXNsgM

xjoRotOtg00

pC1HHqkTUz0

kC9pV0cL1Vs  

 

Malümat içün:  "Orta Cuma Camisi" - Bağçasaraynıñ baş diniy inşaatlarından biri, tahminen XVI as. soñu — XVII as. başında qurulğan. Bugünki mimariy korünüşi 1861 s. tamirine aittir. 1929 s. müminler içün qapatılğan edi.

2012-2013 ss. Haci Enver Ağa ve oğulları Haci Aslan ile Haci Rustem Umerovlarnıñ maddiy qol tutuvı ile tamir etildi. Hatırlatamız, Umerovlar qorantası Bağçasaraydaki Han-Çairde ("6-ncı mikrorayon") yerleşken cami tamirinde maddiy qol tutuv köstergen edi, Bağçasaray cami binasını Qırım Musulmanları Diniy İdaresine qaytaruvnı maliye etip, uquqiy ceetten teşkil etti, em de Aluşta camisiniñ tamir ve qurucılıq işlerinde maddiy qol tutuv köstergen edi.

CIBA Inform

PHOTO: Smail Tantana 

Artqa