Başqa haberler
Info Center
  Almaniyada işhanelerniň yolbaşçıları ve rehberleri içün staj keçirme fırsatı

minek

İqtisadiy ilerilev ve ticaret Nazirligi “Ukrain teşebbüsi” idariy kadrlarnı yaňıdan hazırlama programması çerçivesinde «Fit for Partnership with Germany» (Almanya ortaqlarınen uyğun olmak içün) leyhası boyunca Ukraina müessiseleriniň faal rehber ve yolbaşçılarını 2014 senesi Almaniyada staj keçmek içün yarış şeklinde bir saylavğa davet ete.

Bir ay devamında keçirilecek stajnıň masrafları Almaniya Federal Cumhuriyetiniň İqtisat ve Tehnologiya Nazirligi tarafından tölenilmesinen beraber Ukraina ve Almaniya işhaneleri arası iqtisadiy işbirligini ilerilemesine hızmet etecektir.

İşbu programma qarşılıqlı iqtisadiy munasebetler ve eki taraflama iş bağlarını qurmaq, türlü donatmalar almaq ya da öz mallarını satmaq, yolbaşçılıq tecrübesini menimsemek istegenler içün ğayet meraqlıdır.

Almanyada keçirilecek staj devamında programma iştirakçileri içün tahsil merkezlerinde ameliy hazırlanma, gruppa olaraq profil alman işhanelerini ziyaret etme, ortaqlarnen şahsiy körüşmeler keçirilmesi közde tutulmaqtadır.

İştirak etme şartları ve daha tafsilâtlı bilgilerni www.inwent.org.ua saytından alabilesiňiz.

Yarış olaraq keçirilecek saylav Noyabrniň 5-7 arası 2013 s. Kiyev şeherinde yapılacaqtır.

Arizalar Qırım Muhtar Cumhuriyeti İqtisadiy ilerilev ve Ticaret Nazirligine 2013 s. Oktyabrniň 17-sine qadar berilmeli!

Bilgiler içün tel.: (0652) 544-347, e-mail: biz_me@mail.ru

Menba: minek-crimea.gov.uа

Artqa