Başqa haberler
Info Center
  “QURBAN KÜREŞLERİ” V. HALQARA YARIŞI

afisha

“QURBAN KÜREŞLERİ” V. HALQARA YARIŞI

2013 senesi Qurban bayramını keçirilmesi munasebetinen Oktyabrniň 18-de saat 9:30-20:00 qadar Aqmescit şeheri, Puşkina Soqağı, № 47 adresi boyunca bulunğan “LOKOMOTİV” sport kompleksinde milliy Küreşke bağışlanılğan V-ci halqara yarışı keçirilecek. Tedbirniň baş sponsorları “Qırım halqara biznes asotsiyatsiyası” (CIBA) halqara cemaat teşkilyatı ve “Qırımtatarlarnıň Kiyev birleşmesi” cemaat teşkilyatıdır.

Yarışta Bulğaristan, Romaniya, Qazahıstan, Moldova, Tacikistan, Sloveniya, Makedoniya, Almaniya, Abhazistan, Uzbekistan, Turkmenistan, Gurcistan, Türkiye, Rusiye, Ukraina ve başqa memleketlerden kelgen milliy cıymalarınıň (taqımlarınıň) küreşçileri iştirak etecektir.

Butün ağırlıq kategoriyalarında ğalip çıqqanlar medal, fahriy yarlıq, para mukâfatları, sponsor hediyeleri  ve adet üzre milliy küreşniň hediyesi olğan qoçqarnen rağbetlenecektirler.

Tam ağırlıq kategoriyasında ğalip çıqqanlar qıymetli madenlerden olimpiyada derecesinde yapılğan medaller alacaqlar. Çempiyon “PELVAN” unvanına nail olmaqla “Küreş” Qırım milliy federatsiyası” prezidentiniň kupunu (kubok) alacaqtır.

Artqa