Başqa haberler
Info Center
  Londrada Bütün Dünya İslâmiy İqtisadiy Forumı işine başladı.

“Deňişken dünya: yaňı munasebetler” şiarınen belgilenilgen forumnıň işinde iştirak etmerge on eki memlektniň yolbaşçıları, birinciden, elbette, islamiy ülkelerniň, Britaniya paytahtına keldiler. Olarnıň arasında Malaziya Baş naziri ve BDİİF fahriy yolbaşçısı Nacip Razak, İordaniya qralı II. Abdallah, Pakistan Baş naziri – Navaz Şarif, Afganistan devlet başı – Hamid Karzaynı qayd etmege mümkün.

Üç kün devamında keçirilecek Forumnıň iştirakçileri umumen 1500 insan olaraq İslâm memleketleriniň Merkeziy Banklarınıň yolbaşçılarından ibarettir. İTAR-TASS bildirgenine köre kün tertibine kirsetilen meseleler arasında müsülman memlektlerniň iqtisadiy inkişafı ve dünya iqtisadiyatında olarnıň yeri kibi sualler baqılacaktır.

“İş keňiş mevzular – ticaret, maliye, islâm maliyesi, inkişaf meseleleri baqılması üstünde keçirilecektir. Aynı vaqıtta iştirakçiler Büyük Britaniya –  Londra şeheri ve islâm iş dünyası munasebetleri haqqında meseleler üstünde toqtalacaqlar ” – dep qayd etti teşkilatçılardan biri Riçard Uebster-Smit. 

İslâm memleketlerniň maliye bazarında ögde bulunğan dünya merkezi olaraq yer almaq içün Londra çoq yıllar devamında öz toprağında Bütün Dünya İslâmiy İqtisadiy Forumnıň keçirilmesine ğayret kösterdi.

Bütün Dünya İslâmiy İqtisadiy Forumı 2003 senesiniň küzünde Malaziyada teşkil olunğan edi. İşbu Forumnıň ğayrı-resmiy adı “İslâm Davosı”dır.

http://rus.ruvr.ru/news/2013_10_29/Vsemirnij-islamskij-jekonomicheskij-forum-nachal-rabotu-v-Londone-0609/

Artqa