Başqa haberler
Info Center
  Qırım Halqara İş adamları Birligi Litvanyada öz temsilciligini aça

Trakai-Troki

2013 senesi  29-ncı noyabr künü QHİAB İdare başı Aslan Ömer Kırımlı Litvanyağa yapqan öz resmiy ziyaretinde memleketniň qırımtatar diaspora yolbaşçıları ve temsilcilerinen hem de Vilnüs, Trakya kibi Litvanya şeherleriniň iş adamlarınen körüşti.

Bir qaç resmiy körüşme neticesinde teşkilâtnıň faaliyet dairesini kenişletmek ve perspektivalı medeniy, iş leyhalarını birlikte ömürge keçirmek maqsadınen Vilnüs şeherinde Qırım Halqara İş Adamları Birliginiň temsilciligini açmaq qararı alındı.

Bundan ğayrı Litvanya qırımtatarlarınıň tarihiy ve toplu yaşağan yerleri – Trakay şeheriniň ziyaretinde öz- özüni idare  etüv Trakya bölgesiniň başı Vitatus Zaletskas ve öz-özüni şdare etüv memuriyeti müdüri Astoy Kandrataviçene ile körüşüv keçirildi.

Qırımtatar halqınıň Milliy Meclisi ve QİAHB ile birlikte taraflar öz medeniy ve iqtisadiy bağlarını inkişaf etmege hazır olğanlarını bildirdiler.

Trakya şeherinde doğulğan, Qırım Hanlığınıň temelini qoyğan Hacı Gerayğa bu şeherde abide qoyulması ve bir de medeniy merkez açılması işbirlikniň ilk adımı olaraq körüldi. İşbu teşebbüsniň ömürge keçirilüvinde Qırım İş Adamları Halqara Birligi de faal iştirak etecektir.

QHİAB bildirüvi

Artqa